Browsing all articles tagged with દોસ્ત - ગુર્જરનગરી .કોમ - Gurjarnagri.com | Gurjar Nagri Gujarati Portal
May
21

તાકાતવાન કોણ ?

takatvan-kon

જેનું મનોબળ ઊંચું હોય, ભૂખ-તરસ સહન કરવાની શક્તિ હોય તે ગમે તે પરિસ્થિતિમાં જીવીત રહે છે.

ખુરાસાંમાં બે દોસ્ત રહેતા હતા. તે બન્ને એક બીજાનો સાથ છોડતા નહતા. ભેગા જ રહેતા. સાથે સાથે જમતા, સૂતા-જાગતા ઉઠતા બેસતા. ક્યારેક મુસાફરીમાં જતા તો સાથે જ જતા. એમનામાં ફર્ક હતો તો એ વાતનો હતો કે એક દુબળો-પાતળો હતો, કમજોર હતો. ઘણું ઓછું ખાતો. એક દિવસ ખાતો તો બે દિવસના ઉપવાસ કરતો. બીજો મિત્ર દિવસમાં ચારવાર ખાતો. તો જ એને ચેન પડતું. જાડો પાડો ભારેખમ હતો. તાકાતવાન હતો. એને પોતાની તાકાતનો ઘમંડ હતો.

એકવાર બન્ને દોસ્તો બીજા પ્રદેશમાં ગયા. જેવા શહેરમાં દાખલ થયા એવા એમને જાસૂસીના ગુન્હામાં પકડી ગિરફતાર કરવામાં આવ્યા.

બન્નેને જેલ કોટડીમાં બંધ કરવામાં આવ્યા. જેલ કોટડીમાં હવા-ઉજાસ જવા માટે કોઈ જગ્યા નહોતી. બારી-બાકોરાં નહોતા. ભૂલથી એમને ખુરાસાંના ખતરનાક જાસૂસ માની લેવામાં આવ્યા હતા.

જ્યારે આ બન્ને મિત્રોની પૂછપરછ તપાસ કરવામાં આવી તો માલૂમ પડ્યું કે આ જાસૂસ ન હતા. ભળતાને જ પકડવામાં આવ્યા હતા. ચાર દિવસે કોટડીનું બારણું ખોલી નાખવામાં આવ્યું.

જોયું તો જાડા-પાડા તાકાતવાન મિત્રે શ્વાસ છોડી દીધા હતા. એની લાશ પડી હતી. દુબળો પાતળો મિત્ર જીવતો જાગતો બેઠો હતો. સૌને આશ્ચર્ય થયું.
જોનારામાંથી કોઈ એક હોશિયાર જણ બોલ્યો, ‘એમાં નવાઈ પામવા જેવું શું છે ?’
નવાઈ પામવાનું ત્યારે થાત કે જાડો-પાડો માણસ જીવતો રહ્યો હોત અને દુબળો-પાતળો મૃત્યુ પામ્યો હોત.
મોટો જાડો પાડો તાકાતવાન મનાતો દોસ્ત એટલા માટે મરી ગયો કે તે બહુ ખાવાનું ખાતો હતો. એનાથી ભૂખ સહન ના થઈ. ભૂખ સહન કરવાની એની તાકાત ન હતી. એટલે મરી ગયો. બીજો મિત્ર દુબળો પાતળો હતો. ઉપવાસી હતો. ભૂખ સહન કરવાની તાકાત હતી. એટલે પોતાના મનોબળ અને સહન શક્તિથી જીવતો રહ્યો. ભૂખ્યો રહેવાની આદત અને ધીરજના સહારે બચી ગયો.

કોઈએ સાચું જ કહ્યું છે કે કોઈને ઓછું ખાવાની આદત પડી જાય છે ત્યારે તેને જો કોઈ દિવસ ખાવાનું ન મળે તો તે તકલીફ સહન કરી શકે છે. કિન્તુ જેને વધારે ખાવાની આદત પડી જાય છે એક દિવસ પણ ભૂખે રહી શકતો નથી. ભૂખનો માર્યો મરી જાય છે.

જેનું મનોબળ ઊંચું હોય, ભૂખ-તરસ સહન કરવાની શક્તિ હોય તે ગમે તે પરિસ્થિતિમાં જીવીત રહે છે.

Mar
25

ઉખાણાં ૧૧

પાંખો છે, પણ હું પંખી નથી,

ચાંદો નથી તારો પણ નથી,

છતાં અંધારામાં ચમકું,

તો કહો દોસ્ત કોણ હું?

– આગિયો

Mar
20

સુવિચાર ૧૫

જીવનમાં જો તમે સફળતા ઇરછતા હો તો, ખંત ને તમારો જિગરી દોસ્ત, અનુભવને તમારો

શાનો સલાહકાર, સાવધાનીને મોટો ભાઈ અને આશાને તમારે પ્રતિભાશીલ વાલી બનાવી દો.

– ઇમર્સન

Google Plus Circle

Subscribe to our Newsletter

To subscribe to our dandy newsletter simply add your email below. A confirmation email will be sent to you!

Categories

Recent Posts

Tags

Partner Sites

Jaherat.com Ayurvedicherbaltips.com